عن كيوما
كيوما هو أستوديو صوت تم تأسيسه في ٢٠١٨ في الجيزة - مصر، وكيوما هو إسم مأخوذ عن كلمة يوناني معناها “موجة”. علشان عارفين إن “الـ Mood” هو العامل الأساسي للفنان في إبداعه، تم تصميم الإستوديو علي فكرة إن كل فنان يشعر بالراحة النفسية التامة من ناحية الديكورات والألوان والمعاملة وكل الإحتياجات اللي ممكن يحتاجها عشان نقدر نقدم أفضل نتيجة إبداعية ممكنة. وحرصنا علي تقديم أفضل وسائل العزل والمعالجة الصوتية تحت إشراف إستشاريين متخصصين. وبيوفر الإستوديو ليك التعامل مع فنانين متخصصين أكاديميين في كل المجالات اللي هتحتاجها سواء مهندس صوت صوت، ملحن، موزع موسيقي، عازفين.
مهمتنا
بنسعى دايماً لتقديم جودة صوتية عالية ومرضية لكل فنان، ودايماً بنحاول نكون إضافة للعمل الفني بشكل يُميز “كيوما” في كل الأعمال الفنية اللي إشتركنا فيها، وبنقدم كل الخدمات اللي متعلقة بالتراك زي الإخراج والتصوير والمونتاج والجرافيك ديزاين. وقادرين علي تقديم كل إحتياجات البث الخاصة بالقنوات وقاعات العرض ووسائل الديجيتال المختلفة.
رؤيتنا
عشان نص الحكاية صوت .. مفيش فيلم من غير صوت، ومفيش مزيكا بدون تناغم، وتصميم شريط الصوت الجيد للفيلم هو اللي هيخلي المشاهد يسمع الكلام بوضوح وينقله إلي داخل الأحداث تماماً. والميكساج الجيد للأغنية هو اللي هيخلي المستمع يحس بالتناغم وبكل التفاصيل الصوتية الموجودة، وعشان كده إحنا هنا عشان نرتب أصواتك من جديد في "شريط صوت”.
